返回列表 發帖

#0427 曼城

因為上場比賽之後再加普巴一個傷兵, 即是說唔計龍門僅有14人再加兩名青年軍可用,
所以今場比賽如預計一樣排出一個433防反陣式.
       迪基亞
華西  拜利  盲  達美安
    靴    卡   爆
   褔仔   MK  馬仔

比賽開始曼城主場當然全力搶攻, 而曼聯中後場七個人基本上係打陣地盡量塞位,
今次無再人盯人而係半場逼搶以減低阿古路, 沙尼, 迪布尼及史達寧的傳球及走位.
曼城全場有19次射門6次中框, 曼聯守衛無失位所以零失球達到拎一分既目標.
曼聯係後場拎到波都係直接放長波比前面三個自己攪,
但因為中間無普巴去策應或做串連所以形成佢地三個各自單打獨鬥,
而曼城知道佢地三個既打法只要有兩個人去包夾一定可以逼得甩,
所以睇到褔仔有4次控甩, MK及馬仔各有1次.
曼聯的3次射門只係上半場中段馬仔左邊出高波被包禾拍出但靴衝左向前
而後上的MK射個好正中兼無力既中腰波被包禾輕鬆接實的一球較有威脅.

從呢場比賽睇到普巴既重要性, 因為曼聯無人有普巴果種反搶及護波運球既能力,
所以無辦法可以串連上去前場, 每次都係直接長傳比前面三個.
MK唔知是否個人踼法問題, 佢有波必定要上腳推一段才會放出黎,
打德甲無咁高逼搶當然有好多空位比佢推, 但係英超咁緊逼既踼法若上腳硬推好易被拍甩,
兼且佢身型及速度都唔算上乘所以佢唔能夠做好控傳既攻中角色.
至於褔仔已講過好多次佢係攝位方面做得好差,
佢未攞到身位護好個波便嚐試推入去係好容易被對手反搶或篤走個波,
而馬仔係有5次盤球過人但亦因為無人跟佢配合亦做唔到太多入肉的攻勢.
馬仔上場比賽全場奔跑所以到80分鐘睇到佢已跑唔起,
唯有用連入替但睇到連真係亂咁跑, 除了無意識去幫隊友之外仲跟MK褔仔爭波踼.
無左呂布之後睇到佢地三個既能力真係無可能揹起曼聯既進攻,
所以點都要再買正前再配合講到只要有歐聯資格便馬上簽約的基沙文.
睇返馬體會對李城的歐聯賽事基沙文應該係速度極快而把握力高的後上輔鋒,
佢跟正前的卡拉斯高做好多小組入攝或做個人突破,
當然兩邊亦有高基及尼古斯比好多供應入禁區比到基沙文.
但馬體會最利害係中場有個極度硬淨的甘明尼斯, 佢基本上一個截去對手大部份的傳球.
所以買到人的話普及靴都要盡快提升軟件.
若然買到正前及基沙文的話MK, 馬仔及褔仔三個便會少左好多上場機會.
我會建議留呂布做助教, 單單是教佢地攝位, 停波及分波肯定會有好大幫助.
另外當然係再加強練好射術.

三個中場基本上已做左唔少破壞工作, 而塞位亦塞得十分好,
卡做返一個逗位防中及盡量去截對手, 佢始終年紀大係攔截方面唔夠硬朗.
至於靴真係每場都一定有跳制情況, 對手咁高質既中前場係絕對唔應該標波,
若標失便會造成後防相當大的壓力.
已講好多次若曼聯有機會拎返歐聯資格靴必定要再提升自己既視野及企位,
除了唔可以亂標波之後一定要預測到對手的傳球路線而企係適當既位置上.
佢放波及直線既技巧無須擔心, 但若要做一個全能防中便一定要有上佳的預判能力,
若然必須要有另一個防中去幫手掃蕩會局限領隊的佈陣.
睇情況摩連奴應會以4231為基礎, 希望普及靴兩個做哂防守反搶運球及串連的工作,
因為現在的前鋒未必會太過兼顧防守任務, 所以佢地兩個要盡快升級.
當然必定要入多一個硬朗防中以備用433防反陣式是多一個人去掃蕩.
我個人一向唔喜歡爆炸呢個球員, 唔係因為佢無腳法, 而係佢唔太用腦踼波,
先唔講佢唔理會已列入黑名單凡跳起仍然有多餘動作做成進攻終結者之外,
對18輸12碼已睇到經常做出唔適當既行為, 無錯係防守方面佢算係硬淨,
但因為佢無腳法而截到波必須要safe pass比其他隊友,
咁做除了比時間對手去做反搶之外亦會減慢自己反守為攻的速率.
今場比賽率之再睇到佢腦筋性的問題.
83’已經等埋尾係前場有三個人圍住阿古路的情況下基本上無須踼跌佢,
好多球員都清楚南美球員的挑釁打法及見識過佢地的演技,
罰球開出爆炸繼續去逼搶阿古路而艾堅遜就一路跟住佢地,
佢兩個再有碰撞繼而兩個前額接住前額的去口角,
但爆炸突然用力把前額壓落去但爆炸比阿古路高半個頭所以讓人覺得佢接銼向阿古路,
再之後阿古路痡苦倒地以今場艾堅遜的執法呎度都應該知出事,
到艾堅遜直接左手插入褲袋心知呢次大件事了, 直紅肯定最少三場.
咁都仲未算嚴重, 摩連奴即刻叫未熱過身的科素文沙入替MK以填補中場截擊力.
但文沙真係可以完全未熱身無準備, 係最後一個看似普通的攔截之後左邊身落地,
跟住吹完場雞睇到文沙企都企唔穩, 以為佢撞痡左手原來係左邊膊頭甩較.
賽後驗傷之後今季收工.
因為爆炸極度魯莽行為導致下場比賽連同tuanzebe(唔計龍門)只有14人可用.

後邊兩閘華西及達美安完全做到部署, 無上前而盡量塞住兩邊唔比對手輕易出波.
今場比賽睇數據又係覺得盲打得好, 其實曼城有部署專向盲呢個位去攻,
若阿古路多少少狀態及運氣今場一定可以係盲個位搵到入球.
拜利已算十分利害除了阻擋沙尼之後還多次幫盲補位.
到最後一刻捷西斯頂入的炸糊完全係因為盲無意識有人走後門而無去追,
並唔係佢咁利害可以係小禁區裝到越位.
因為按常理對手底線傳中甚少會出現越位, 就係盲無追人才出現越位情況.
目前真係無辦法, 連場大戰摩連奴信唔過青年軍係正常, 但清楚睇到盲既缺點所在.
亦因為完全無中堅可用係賽後訪問時摩連奴講左一句疑似笑話.
Jose Mourinho on injuires : I’m also training hard in the gym,
so I can be an option – Mourinho and Tuanzebe against Swansea.
好肯定佢係講比史波及鐘斯聽要為球隊著想唔好下下諗自己.
古語有云 : 國家興亡匹夫有責.
係咁危急關頭若佢兩個直接返去卡寧頓操唔到都照行圈, 然後叫領隊落名去後備,
(能否出場係另外一回事)
當隊友見到咁激勵既場面一定會憑意志去打出110%力量.
今季睇到摩連奴係堷養信心, 激發鬥志, 幫隊員減壓方面真係做得好出色,
到完結不管成績如何都支持摩連奴繼續教落去.

大家都預測到今場打比摩連奴係咁艱難既情況必定拍大巴搏偷雞,
所以打和係最樂意見到既賽果.
現在呢一刻都無得再講乜野部署, 天鵝要搶分護級睇黎摩連奴都係繼續防反,
應該會派肥仔落中場去做搶截工作.
無得再有其他考慮, 希望各球員憑意志力每一場都打出110%效率捱埋呢8場.
(希望努力去到瑞典打決賽再由呂布係鄉親面前舉盃以答謝佢的付出,
若有人幫到佢就唔會攪到35歲要長出而斷韌帶)
::: ......facebook!! :::

返回列表

重要聲明:本討論區是以即時上載留言的方式運作,Hkvwet.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Hkvwet.com討論區有權刪除任何留言及拒絕任何人士上載留言 (刪除前或不會作事先警告及通知),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。